Rasija adkazała na krytyku Alaksandra Łukašenki nakont karyści rasijskich testaŭ na karanavirus. Pra heta paviedamlaje TASS.
«Ź lutaha 2020 hoda Respublicy Biełaruś pieradali praz Rasspažyŭnahlad na biazvypłatnaj asnovie 14 000 test-sistem. Mienavita ź ich dapamohaj byli vyjaŭleny pieršyja chvoryja ŭ krainie, što dazvoliła pačać praviadzieńnie supraćepidemičnych mierapryjemstvaŭ», — havorycca ŭ paviedamleńni pres-słužby viedamstva.
Śćviardžajecca, što rasijskija test-sistemy, raspracavanyja dziaržaŭnym navukovym centram «Viektar», nibyta pieravyšajuć pa jakaści niekatoryja zamiežnyja anałahi pa mnohich paramietrach.
Nahadajem, 17 krasavika Alaksandr Łukašenka raskrytykavaŭ rasijskija testy na karanavirus. Pavodle jaho słoŭ, u 15 čałaviek paśla lačeńnia rasijskija testy paŭtorna dali stanoŭčy vynik. «Testy — ni k čortu <…> Admovilisia ad rasijskich testaŭ, uziali svaje, kitajskija — adzin tolki čałaviek akazaŭsia karanavirusny», — skazaŭ Łukašenka.
