Małady rytejler raźvivaje ŭ krainie farmat ćviordych dyskaŭntaraŭ. Z adroźnieńniaŭ — adčuvalna nižejšyja ceny za košt minimizacyi vydatkaŭ na łahistyku i piersanał. Handlovaja sietka zakuplaje ŭ asnoŭnym papularnyja tavary, a pad šopinh vydzielena vialikaja častka prastory.
Krama zajmaje 1100 «kvadrataŭ» i aformlena ŭ styli minimalizm z prostaj vykładkaj dy intuityŭnaj navihacyjaj. Akramia bakalei, tut jość sadavina i harodnina, a taksama ryba, morapradukty, zamarožanaja pradukcyja i paŭfabrykaty. Taksama ŭ kramie pradstaŭleny małočnaja i miasnaja vitryny, pryłaŭka z vypiečkaj. Pakupnikoŭ absłuhoŭvajuć 6 kas, pobač z kramaj arhanizavana parkoŭka na 15 aŭtamabilaŭ.
Nizkija ceny dziejničajuć na ŭsie tavary. Tak, kiłahram jabłykaŭ abo kiło bananaŭ siońnia ŭ «Hrošyku» možna kupić pa 1,99 rubla. Rybu mintaj možna nabyć pa 4,99 rub./kh, a skumbryju — na 20 kapiejek tańniej. 190 hram rastvaralnaj kavy «Neskafe» — 7,99 rub. A vialiki pakunak majanezu ŭ 400 hram — 1,39 rubla. Pryjemnaj akazałasia cana i na tualetnuju papieru — 1,09 za ŭpakoŭku z 4 rułonaŭ, i na kapsuły dla myćcia — 4,99 rubla za 10 št.
«Hrošyk» — biełaruski rytejler ŭ farmacie žorstkich dyskaŭntaraŭ. Jaho zapuścili ŭ jakaści kankurenta rasijskim sietkam «Śviatłafor» i «Dabracen». Novaja sietka ŭžo pradstaŭlena ŭ Słonimie, Salihorsku, Homieli, Breście i Baranavičach.
