Prezident ZŠA Donald Tramp padčas bryfinhu ŭ Biełym domie abviaściŭ, što «pravodzicca šerah rasśledavańniaŭ» ab źjaŭleńni karanavirusa, paviedamlaje Bloomberg.
«Adbyvajecca šmat dziŭnych rečaŭ, ale pravodzicca šmat rasśledavańniaŭ. I my źbirajemsia heta vyśvietlić», — zajaviŭ jon žurnalistam.
Nahadajem, 16 krasavika Fox News paviedamiŭ, što virus uźnik u adnoj z bakteryjałahičnych łabaratoryj kitajskaha horada Uchań jak vynik sprob Piekina pierasiahnuć Vašynhton u napracoŭkach pa hiennaj inžynieryi. Pavodle kanała, jaho raspaŭsiud pačaŭsia vypadkova, paśla taho jak zaraziŭsia adzin z supracoŭnikaŭ. Tramp zajaviŭ, što ŭrad ZŠA sprabuje vyśvietlić, ci adpaviadaje hetaja infarmacyja rečaisnaści.
U svaju čarhu francuzski virusołah Luk Mantańje, uznaharodžany ŭ 2008 hodzie Nobieleŭskaj premijaj pa miedycynie za adkryćcio VIČ, vysunuŭ hipotezu ab tym, što virus byŭ stvorany štučna ŭ kitajskaj łabaratoryi.
