Adzin z udzielnikaŭ inicyjatyvy ByCovid19, aktyvist niezaležnych prafsajuzaŭ i pravaabaronca Andrej Stryžak u svaim fejsbuku padzialiŭsia pieršymi vynikami zboru dapamohi lekaram.
U ramkach inicyjatyvy 10 kancentrataraŭ kisłarodu (miedycynski aparat dla pavyšeńnia ŭzroŭniu kisłarodu ŭ kryvi) zakupili, atrymali i adhruzili pa adrasach:
- 3 aparaty atrymaŭ RNPC pulmanałohii,
- 4 aparaty atrymała Minskaja abłasnaja kliničnaja balnica,
- 2 kancentratary pajeduć u Hłybokaje,
- 1 kancentratar pajedzie ŭ Dokšycy.
Kožny taki aparat kaštavaŭ 2430 rubloŭ.
Adhruzili i adpravili 2600 adnarazovych chirurhičnych chałataŭ:
- 1500 u Viciebsk,
- 500 u Homiel,
- 300 u dziciačuju infiekcyjnuju balnicu,
- 300 na Šumilina.
Dziakujučy «Elektrasile» try balnicy ŭ Viciebsku (BCHMD, infiekcyjnaja i čyhunačnaja) atrymajuć pralnyja mašyny.
A dziakujučy sietcy «Miła» i Je-dastaŭcy siem balnic u Minsku i try balnicy ŭ Viciebsku buduć zabiaśpiečany paraškami dla myćcia chałataŭ i myjnymi srodkami.
Akramia taho, zakupili 40 litraŭ kancentratu dla dezynfiekcyi pavierchniaŭ, ź jakoha možna vyrabić 2 tony dezynfiekujučaha rastvoru. Hety hruz budzie adpraŭleny ŭ balnicy Połacka i Navapołacka.
U Šumilina akramia chałataŭ adpravili 1000 ffp1 i 1270 ffp2 reśpirataraŭ i achoŭnyja ščytki ad Chakierśpiejsa. Balnica zabiaśpiečana reśpiratarami nadoŭha.
Paprasić dapamohu abo prapanavać svaju možna pa spasyłcy.
Inicyjatyva ByCovid19 maje svoj sajt, a taksama staronku ŭ fejsbuku.
