Pra heta stała viadoma ad baćkoŭ vučniaŭ. Va ŭpraŭleńni adukacyi Svabodzie paćvierdzili hetuju infarmacyju.
Havorka idzie pra siaredniuju škołu № 61, što na vulicy Kiryły Turaŭskaha, niedaloka ad stancyi metro «Ŭschod».
Karanavirus paćvierdzili ŭ nastaŭnicy pačatkovych klasaŭ. Ciapier jana čujecca dobra.
Kantakty pieršaha ŭzroŭniu vyjaŭlenyja, ciapier jany na samaizalacyi. Pra heta Svabodzie skazała Ludmiła Barysienka, načalnica ŭpraŭleńnia adukacyi Pieršamajskaha rajonu.
«U nas taksama jość infarmacyja pra vypadak zachvorvańnia ŭ 61-j škole, — skazała Ludmiła Barysienka. — U škole pravodziacca ŭsie nieabchodnyja mierapryjemstvy, jak u luboj sytuacyi z epidemijalahičnaj niadobranadziejnaściu».
Načalnica ŭpraŭleńnia adukacyi taksama paviedamiła, što vučni pačatkovych klasaŭ u 61-j škole zajmajucca ŭ asobnym bloku.
Ciapier školniki na vakacyjach. Ci adnoviacca zaniatki ŭ 61-j škole z 13 krasavika, vyrašyć Ministerstva adukacyi. U kožnym razie, baćki majuć prava napisać zajavu, kab ich dzicia nie naviedvała škołu. Ludmiła Barysienka adznačyła, što prapracoŭvajucca varyjanty, kab uvieści addalenaje navučańnie z elementami infarmacyjnych technalohij.
Pavodle načalnicy ŭpraŭleńnia adukacyi, u inšych škołach Pieršamajskaha rajonu Miensku vypadkaŭ COVID-19 nie było zafiksavana.
