U sakaviku «Biełdziaržstrach» prapanavaŭ klijentam novuju pasłuhu — strachavańnie ad karanavirusa. U vypadku śmierci spadčyńnikam pamierłaha zapłaciać u 100 razoŭ bolš za strachavy ŭniosak.
Čytajcie: Źjaviłasia strachoŭka ad karanavirusa. Kali čałaviek pamre, svajakam zapłaciać u 100 razoŭ bolš
Voś tolki ŭźnikaje pytańnie: ci zapłaciać što-niebudź naohuł, kali karanavirus u čałavieka byŭ znojdzieny, ale ŭ paśviedčańni ab śmierci paznačany aficyjny dyjahnaz — pnieŭmanija?
«Aficyjnym dyjahnazam musić być karanavirus, strachavańnia ad pnieŭmanii ŭ nas niama, — kažuć u «Biełdziaržstrachu». — To-bok, kali ŭ paśviedčańni nie zapisany karanavirus, svajakam pamierłaha ničoha nie zapłaciać».
A ci moža naohuł pryčynaj śmierci być karanavirus, ci heta tolki abciažarvalny faktar dla inšych chvarob?
«Karanavirus moža być aficyjnaj pryčynaj śmierci. U Mižnarodnaj kłasifikacyi chvarob dziasiataha pierahladu (MKCH-10) paznačany COVID-19», — patłumačyŭ «Našaj Nivie» miedyk.
