Departamientam finansavych rasśledavańniaŭ KDK 25 sakavika za atrymańnie chabaru ŭ bujnym pamiery zatrymany dyrektar TDA «Inter-Śmit» Siarhiej Sacuk, paviedamlaje pres-słužba viedamstva.
Siarhiej Sacuk, źjaŭlajučysia hałoŭnym redaktaram i ŭładalnikam sajta «Ježiednievnik», pryniaŭ dla siabie hrašovyja srodki 5000 dalaraŭ ZŠA za padrychtoŭku i raźmiaščeńnie na sajcie artykuła, jaki źmiaščaje kampramietujučyja źviestki ŭ dačynieńni da kankurentaŭ subjekta haspadarańnia — kampanii «Animied».
Pa dadzienym fakcie Departamientam zaviedziena kryminalnaja sprava pa č. 2 art. 430 (atrymańnie chabaru) Kryminalnaha kodeksa. Siarhiej Sacuk źmieščany pad vartu, havorycca ŭ paviedamleńni.
Siarhiej Sacuk byŭ zatrymany 25 sakavika. 27 sakavika supracoŭnikaŭ «Ježiednievnika» dapytali ŭ Departamiencie finansavych rasśledavańniaŭ KDK, a Siarhieja Sacuka pieraviali ŭ SIZA №1. Tady ž u redakcyi i doma ŭ Sacuka prajšoŭ pieratrus.