Ideja raśpisać ścieny budynkaŭ Bresta vieršami biełaruskich kłasikaŭ źjaviłasia ŭ kiraŭnika prajekta Rabčuka Dzianisa minułym letam, jakraz pierad Škołaj prajektnaha mieniedžara i konkursam hrantaŭ ad ahienctva rehijanalnaha raźvićcia «Dziedzič». Kamanda, jakaja raspracavała prajekt i eskizy vieršaŭ, atrymała padtrymku.
Potym u supracy z mastakami i z dazvołu ŭładaŭ hetyja eskizy byli pieraniesienyja na ścieny. Tak u horadzie źjavilisia pieršyja try vieršy: «Saniet» Maksima Bahdanoviča, «Bieź ciabie» Niny Maciaš i «Atruci mianie viasnovym chmielem» Hienadzia Buraŭkina.
Ale na hetym prajekt #vershybrest nie płanuje spyniacca: kamanda płanuje dadać jašče 17 vieršaŭ da tych, što ŭžo naniesienyja na ścieny Bieraścia. Try eskizy z hetych 17 vieršaŭ užo prajšli praceduru ŭzhadnieńnia, ale dla taho, kab pačać pracu patrebnyja dźvie rečy: dobraje nadvorje (z tempieraturaj bolš za 10°S) i finansavyja srodki, jakija źbirajucca praz kraŭdfandynh. Apošniaje patrebna na materyjały dla malavańnia, trafarety dy pracu mastakoŭ. Pa spasyłcy možna nie tolki padtrymać kampaniju hrašyma, ale i prapanavać svaje idei nakont vieršaŭ, jakija apynucca na ścienach horada, dyzajnu murałaŭ i ścien, na jakich jany mohuć źjavicca.
A jašče ŭ prajekta jość svoj instahram — dałučajciesia!
