U milicyju źviarnuŭsia minčuk, jaki paviedamiŭ, što nieviadomy z akna šmatkvaternaha doma vykinuŭ kieramičny vazon z kvietkami na jaho mašynu. U vyniku byŭ paškodžany dach aŭto, a škoda skłała 500 rubloŭ.
Na miesca vybyła śledča-apieratyŭnaja hrupa. U chodzie ahladu miesca zdareńnia byli vyjaŭlenyja ślady palcaŭ ruk, što zastalisia na askiepkach vazona. Infarmacyja była pieradadzienaja supracoŭnikam kryminalnaha vyšuku.
U chodzie praviadzieńnia apieratyŭna-vyšukovych mierapryjemstvaŭ byŭ zatrymany 26-hadovy raniej sudzimy minčanin.
Vyśvietliłasia, što zatrymany znachodziŭsia ŭ kvatery sa svajoj ciažarnaj dziaŭčynaj. Pamiž imi paŭstaŭ kanflikt, u vyniku jakoha dziaŭčyna pakryŭdziłasia i syšła, a małady čałaviek, vypiŭšy, vykinuŭ u akno kieramičny vazon.
