Papa rymski Francysk zaklikaŭ usich chryścijan śvietu sumiesna pamalicca za zakančeńnie pandemii karanavirusa. Z takoj inicyjatyvaj kiraŭnik Rymska-katalickaj carkvy vystupiŭ u tradycyjnym niadzielnym zvarocie da viernikaŭ «Anhiełus», jaki ŭ treci raz zapar z-za karancinu pieradavaŭsia anłajn i ŭ teleefiry, pieradaje TASS.
«U hetyja dni vyprabavańnia, kali ŭsio čałaviectva sutyknułasia z pahrozaj pandemii, chaču prapanavać usim chryścijanam uźjadnacca ŭ zvarocie da niabiosaŭ. Zaprašaju ŭsich kiraŭnikoŭ cerkvaŭ, usich chryścijanskich supolnaściaŭ, chryścijan usich kanfiesij zaklikać da Usiavyšniaha, pamaliŭšysia adnačasova. Zaprašaju pramović «Ojča naš» 25 sakavika apoŭdni», — skazaŭ Francišak.
U Italii z momantu pačatku pandemii karanavirusam zarazilisia bolš za 53,5 tysiač čałaviek, pamierli ad vyklikanaha infiekcyjaj zachvorvańnia i jaho nastupstvaŭ amal 5 tysiač čałaviek. Na ŭsioj terytoryi krainy z 10 sakavika dziejničaje strohi karancin i zabarona na pieramiaščeńnie nasielnictva biez važkaj pryčyny.
