U Biełarusi raźličvajuć, što jaje hramadzianam dazvolać pieramiaščacca tranzitam pa Rasii z vykarystańniem lubych vidaŭ transpartu. Pra heta zajaviŭ siońnia žurnalistam ministr zamiežnych spraŭ Biełarusi Uładzimir Makiej, pieradaje BiełTA.
«Spadziajomsia, što budzie pryniata vyraznaje i kankretnaje rašeńnie, jakoje dazvolić biełaruskim hramadzianam viarnucca na radzimu z dalokich krain, kudy jany vyjechali pa linii rasijskich turapierataraŭ. Taksama spadziajomsia, što biełaruskim hramadzianam budzie dazvolena tranzitam pieramiaščacca praz terytoryju Rasii z vykarystańniem usich vidaŭ transpartu», — skazaŭ ministr.
Jon adznačyŭ, što heta budzie adpaviadać pałažeńniam Sajuznaj dziaržavy i adpaviednym pahadnieńniam ab roŭnych pravach hramadzian Biełarusi i Rasii.
Pavodle słoŭ Uładzimira Makieja, pry vyrašeńni pytańniaŭ ab viartańni biełarusaŭ praz rasijskuju terytoryju Ministerstva zamiežnych spraŭ i inšyja dziaržaŭnyja struktury znachodziacca ŭ ciesnym uzajemadziejańni z rasijskimi partniorami.