Supracoŭniki DAI ŭ Minsku zatrymali parušalnika pravił darožnaha ruchu na skradzienym furhonie.
Siońnia kala 4.00 u Minsku kiroŭca aŭtamabila «Folksvahien LT» nie vykanaŭ patrabavańnia supracoŭnika DAI ab spynieńni. Ekipaž pačaŭ pieraśled. Sychodziačy ad pahoni, kiroŭca hruba parušaŭ praviły i nieadnarazova stvaraŭ pahrozu astatnim udzielnikam darožnaha ruchu. A na vulicy Kižavatava sutyknuŭsia sa słužbovym aŭtamabilem.
Da pieraśledu padklučylisia inšyja ekipažy DAI. Vyjechaŭšy na Słuckuju šašu, parušalnik nie źnižaŭ chutkaści i nie davaŭ jaho abahnać. Adnak adzin z ekipažaŭ nieŭzabavie apiaredziŭ furhon i kinuŭ na darohu tak zvanaha «vožyka». Najechaŭšy na jaho, kiroŭca «Falksvahiena LT» nie spraviŭsia z kiravańniem, źjechaŭ u kiuviet i ŭrezaŭsia ŭ dreva. Parušalnika zatrymali i dastavili ŭ balnicu.
Jak akazałasia, za rulom znachodziŭsia 24-hadovy nieadnarazova sudzimy žychar Bresckaj vobłaści. Vyśvietliłasia, što aŭtamabil byŭ skradzieny z vulicy Cimašenki, pra što ŭładalnik paźniej paviedamiŭ u Frunzienskaje RUUS Minska.
