Ministr zamiežnych spraŭ Biełarusi Uładzimir Makiej padčas videakanfierencyi ź ministram zamiežnych spraŭ Polščy Jacekam Čaputovičam i ŭpaŭnavažanym polskaha ŭrada pa pytańniach stratehičnaj enierhietyčnaj infrastruktury Piatrom Naimskim abmierkavaŭ temu pastavak enierharesursaŭ, pieradaje karespandent BiełTA.
Kiraŭnik biełaruskaha MZS paćvierdziŭ hatoŭnaść naviedać ź vizitam Varšavu, kali źjavicca takaja mahčymaść, padkreśliŭšy, što tem dla razmovy bolš čym dastatkova.
«My abmiarkoŭvali ŭ adpaviednaści z ustanoŭkami kiraŭnika dziaržavy pytańni dyviersifikacyi pastavak enierharesursaŭ z udziełam polskaha boku», — skazaŭ Uładzimir Makiej.
Pavodle jaho słoŭ, havorka išła pra kankretnyja prajekty. U bakoŭ jość razumieńnie, što nieabchodna ruchacca dalej. «Vyniki mohuć być u najbližejšy čas», — zajaviŭ ministr.
