Sumiesnaja treniroŭka VPS i vojskaŭ SPA Uzbrojenych Sił Biełarusi i Pavietranych Sił Polščy pa abmienie infarmacyjaj ab palotach pavietranych sudoŭ adbudziecca 25 sakavika ŭ ramkach padrychtoŭki da sumiesnych dziejańniaŭ pa zabieśpiačeńni biaśpieki ŭ pavietranaj prastory padčas čempijanatu śvietu pa chakiei ŭ 2021 hodzie i Jeŭrapiejskich hulniaŭ u 2023 hodzie, paviedamlaje Ministerstva abarony.
Treniroŭka dazvolić adpracavać miechanizm dziejańniaŭ u vypadku ŭźniknieńnia incydentaŭ u pavietranaj prastory, pavysić stupień hatoŭnaści słužbovych asob punktaŭ kiravańnia da zładžanych sumiesnych dziejańniaŭ u vypadku aktaŭ pavietranaha teraryzmu.
Sumiesnaja treniroŭka spłanavanaja biełaruskim i polskim bakami ŭ listapadzie 2019 hoda i ŭklučana ŭ Płan mižnarodnaha vajennaha supracoŭnictva na 2020 hod.