Na sajcie Kupałaŭskaha teatra paviedamlajecca, što pakazy śpiektaklaŭ praciahvajucca ŭ adpaviednaści z repiertuaram.
«My kłapocimsia pra zdaroŭje i kamfort našych naviedvalnikaŭ. U teatry ŭviedziena śpiecyjalnaja dezynfiekcyja pamiaškańniaŭ, padłohi i leśvic, a taksama elemientaŭ, da jakich dakranajucca ludzi — parenčaŭ, dźviarnych ručak, knopak u lifcie i h.d. Taksama vy zaŭsiody možacie skarystacca antysieptykami, jakija raźmieščany ŭ prybiralniach, faje Hałoŭnaj sceny i na ŭvachodzie na Kamiernuju scenu», — adznačajecca ŭ paviedamleńni.
U hladackich zalach, faje i prybiralniach pracuje prytokava-vyciažnaja sistema vientylacyi. Padčas antraktu hledačoŭ prosiać pakinuć hladzielnuju zalu dla praviadzieńnia pravietryvańnia pamiaškańnia.
«Kali vy adčuvajecie siabie drenna, budzie dobra dla vas samich i ŭ adnosinach da zdaroŭja inšych ludiej, kali vy pieraniasiecie vaš pachod u teatr na bolš spryjalny čas», — źviartajuć uvahu ŭ Kupałaŭskim.
