Prykładna ŭ 21.50 u Baranavičach na skryžavańni vulic Prafiesijnaja i Čarnyšeŭskaha ŭvahu inśpiektaraŭ DAI pryciahnuŭ aŭtamabil Peugeot 406, paviedamlaje DAI.
Uklučyŭšy majački, supracoŭniki praz hučnahavaryciel zapatrabavali, kab kiroŭca spyniŭsia. Ale toj praihnaravaŭ patrabavańnie i pasprabavaŭ źbiehčy.
Pačałasia pahonia, jakaja skončyłasia praz 200 mietraŭ na Słonimskaj šašy. Za rulom mašyny znachodziŭsia 49-hadovy žychar Baranavič.
Inśpiektary vykazali zdahadku, što toj pjany i prapanavali prajści ahlad. Kiroŭcu dastavili ŭ narkałahičny dyspansier, dzie prybor vyjaviŭ u jaho 1,15 pramile ałkaholu.
Mužčyna atrymaŭ administracyjny štraf 1350 rubloŭ, a taksama na try hady ŭ jaho zabrali paśviedčańnie kiroŭcy.
0
0
0
0
0
0