Ministerstva ŭnutranych spraŭ Ukrainy prapanavała zakryć miežy dla zamiežnikaŭ, kab praduchilić raspaŭsiud karanavirusnaj infiekcyi. Aficyjna ab zakryćci miažy zajaviŭ sakratar Rady nacyjanalnaj biaśpieki i abarony krainy Alaksiej Daniłaŭ na terminovym bryfinhu.
Praz pandemiju karanavirusa ŭ śviecie Ukraina praz 48 hadzin na 2 tydni zakryvaje miažu dla zamiežnych hramadzian.
«My pavinny zrabić kantrol. Dla zamiežnikaŭ prapanujem uvieści 100-pracentny režym abmiežavańniaŭ na našych punktach propusku», — skazaŭ kiraŭnik viedamstva Arsien Avakaŭ.
Pry hetym Avakaŭ adznačyŭ, što punkty propusku na miažy zastanucca adkrytymi dla ŭkraincaŭ i tych, chto maje dazvoł na žycharstva, pakolki «kožny maje prava viarnucca dadomu i my ich čakajem».
Taksama Ukraina nie budzie puskać na svaju terytoryju hramadzian, jakija jeduć z časova akupavanych terytoryj i nie majuć rehistracyi na padkantrolnaj uradu Ukrainy terytoryi, kali ŭ ich vyjaviać prykmiety zachvorvańnia, padobnaha da karanavirusa.
