Hrodzienskimi pamiežnikami była spyniena sproba niezakonnaha pierasiačeńnia miažy ŭ čyhunačnym punkcie propusku «Hrodna», paviełamlaje Hrodzienskaja pamiežnaja słužba.
13 sakavika paśla apoŭnačy kamiery videanazirańnia punkta propusku zafiksavali siłuet adnoj žančyny, jakaja ruchałasia pa čyhunačnym pałatnie ŭ napramku Biełarusi. Parušalnika zatrymali za 15 mietraŭ ad miažy. Im apynułasia hramadzianka Polščy. Ź jaje słoŭ, jana znachodziłasia ŭ polskim horadzie Kuźnica i vyrašyła dabracca dadomu pieššu. Kab nie zabłukać, žančyna išła ŭzdoŭž čyhunki, tolki voś pamyliłasia z napramkam.
U dačynieńni da zatrymanaj raspačaty administracyjny praces za niezakonnaje pierasiačeńnie miažy i parušeńnie pahraničnaha režymu. Joj pahražaje departacyja z zabaronaj ujezdu ŭ Biełaruś da 5 hadoŭ.
