Pucin padpisaŭ ukaz ab adstaŭcy Uładzisłava Surkova z pasady pamočnika prezidenta Rasii. Ukaz padpisany bolš čym praz try tydni paśla taho, jak stała viadoma pra adychod Surkova ź dziaržsłužby.
U apošni čas Surkoŭ kuryravaŭ u Kramli ŭkrainski napramak.
Ciapier adnosiny Rasii z Ukrainaj u rasparadžeńni Dźmitryja Kozaka, jaki nie trapiŭ u skład novaha ŭrada i staŭ namieśnikam kiraŭnika administracyi prezidenta Rasii.
Surkoŭ nie ŭpieršyniu pakidaje dziaržsłužbu. Z 1999 pa 2011 hod jon byŭ namieśnikam kiraŭnika administracyi Kramla, a ŭ kancy 2011-ha staŭ vice-premjeram. U mai 2013 hoda jon syšoŭ z pasady «pa ŭłasnym žadańni», ale ŭžo praz čatyry miesiacy viarnuŭsia na słužbu, staŭšy pamočnikam prezidenta Rasii pa pytańniach raźvićcia Abchazii i Paŭdniovaj Asiecii ŭ vieraśni 2013 hoda.
