«Biełnaftachim» praciahvaje pieramovy z Polščaj pa arhanizacyi reviersnych pastavak nafty, paviedamlaje BiełTA.
«Praciahvajucca pieramovy z polskim bokam pa arhanizacyi reviersnych pastavak nafty pa naftapravodzie «Družba» z terytoryi Polščy na terytoryju Biełarusi», — skazali ŭ pres-słužbie kancerna.
Jak raniej zajaŭlaŭ žurnalistam pieršy namieśnik hienieralnaha dyrektara — hałoŭny inžynier AAT «Homieltransnafta Družba» Andrej Viaryha, dastaŭka nafty z Polščy ŭ režymie reviersu technična mahčymaja. Faktyčna hety mietad byŭ realizavany, kali paśla krasavickaha incydentu ŭ 2019 hodzie vyciaśniali zabrudžanuju naftu z polskaha Hdańska ŭ Rasiju. Adnak, pavodle jaho słoŭ, u polskaha boku niama techničnaj mahčymaści adnačasova pampavać naftu ŭ dvuchbakovym režymie — «da siabie i ad siabie», tamu reviersnaja dastaŭka mahčymaja tolki ź pierapynkami.
