U Hankonhu troje ŭzbrojenych ludziej vykrali 600 rułonaŭ tualetnaj papiery. Dvoje rabaŭnikoŭ zatrymanyja, treciaha šukajuć.
Fota Apple Daily
Pavodle danych Bi-Bi-Si, rabaŭniki pahražali nažami kurjeru, jaki vioz 50 upakovak tualetnaj papiery (prykładna 600 rułonaŭ) u supiermarkiet. Ich ahulny košt kala 130 dalaraŭ ZŠA (kala 285 rubloŭ). Častku ŭpakovak znajšli padčas zatrymańnia rabaŭnikoŭ.
Rabavańnie adbyłosia na fonie čutak pra niedachop tavaraŭ praz uspyšku karanavirusa COVID-2019. Miascovyja ŭłady skaracili pastaŭki praduktaŭ z Kitaja, z-za čaho ŭ Hankonhu pačałasia panika. Akramia tualetnaj papiery, žychary skuplajuć rys i makaronu. Haradski ŭrad sprabuje pierakanać žycharoŭ nie panikavać i zapeŭnivaje, što zapasaŭ charčavańnia i haspadarčych tavaraŭ dastatkova.
Pradstaŭniki bujnych supiermarkietaŭ u Hankonhu i kampanij, jakija zajmajucca dastaŭkaj praduktaŭ, u kamientary CNN śćviardžajuć, što prablem z pastaŭkami nie było. Niekatoryja sietki ŭviali abmiežavańnie na kolkaść adzinak tavaru, jakija moža nabyć adzin čałaviek.