Zaražeńnie novym karanavirusam vyjaŭlena jašče ŭ 88 pasažyraŭ kruiznaha sudna Diamond Princess, jakoje znachodzicca na karancinie ŭ porcie japonskaha horada Ijakahama. Pra heta ŭ aŭtorak abviaściła Ministerstva achovy zdaroŭja, pracy i dabrabytu Japonii, piša TASS.
Adznačajecca, što ŭ 65 ź ich na dadzieny momant nie prajaŭlajecca simptomaŭ, takich jak vysokaja tempieratura ci kašal. Takim čynam, ahulnaja kolkaść zaražanych karanavirusam na Diamond Princess dasiahnuła 542 čałaviek. Hramadzianstva novych infikavanych na hety momant nie ŭdakładniajecca.
Kruiznaje sudna Diamond Princess vyjšła ź Ijakahamy 20 studzienia i viarnułasia tudy 3 lutaha. Siarod pasažyraŭ byŭ hramadzianin Kitaja, u jakoha vyjaŭleny novy karanavirus. Jon vyjšaŭ 25 studzienia ŭ Hankonhu. Pavodle rašeńnia ŭład Japonii, na łajniery z 5 lutaha byŭ abjaŭleny dvuchtydniovy karancin.
