Fota ź instahrama
Zasnavalnik kampanii Amazon Džef Biezas, jaki ličycca samym bahatym čałaviekam u śviecie, stvaryŭ fond pa baraćbie sa źmienaj klimatu. Pra heta jon napisaŭ u svaim Instagram.
Miljarder adznačyŭ, što źmianieńnie klimatu źjaŭlajecca «samaj vialikaj pahrozaj dla našaj płaniety». Jon maje namier vydzielić «Fondu Ziamli Biezasa» 10 miljardaŭ dalaraŭ. Srodki z fondu buduć vydzialacca navukoŭcam, aktyvistam i niaŭradavym arhanizacyjam, jakija pracujuć nad hetaj prablemaj. Biezas pačnie vydavać hranty letam.
Taksama miljarder źviarnuŭsia da bujnych i nievialikich kampanij, uradaŭ roznych dziaržaŭ, mižnarodnych arhanizacyj i prostym ludziam z zaklikam zmahacca sa źmianieńniem klimatu. «Ziamla — heta toje, što nas usich abjadnoŭvaje — davajcie abaraniać jaje razam», — skazaŭ Biezas.
