Anansavany novy infarmacyjny telekanał moža źjavicca ŭ Biełarusi ŭ 2021 h., zajaviŭ siońnia staršynia Biełteleradyjokampanii Ivan Ejsmant u prahramie «Aktualny mikrafon» Pieršaha nacyjanalnaha kanała Biełaruskaha radyjo, piša BIEŁTA.
«U mianie žurnalisty spytali: što heta budzie za kanał? Ja skazaŭ: naprykład, Euronews ci BBC. Usie napisali, što my źbirajemsia BBC stvaryć u Biełarusi, — skazaŭ Ivan Ejsmant. — My źbirajemsia stvaryć biełaruski infarmacyjny kanał, raŭniajučysia na tyja patreby, tyja mahčymaści, jakija ŭ nas jość. Užo raspracavana kancepcyja. Hetaje pytańnie dosyć padrabiazna prapracoŭvajecca. Dumaju, što ŭ nastupnym hodzie my z zadavalnieńniem pahladzim hety kanał».
Pavodle słoŭ Ivana Ejsmanta, kanał budzie pracavać ad samaj ranicy da poźniaha viečara.
«Chutčej za ŭsio, budzie mieć błokavuju sistemu, kali jość kaściak, jaki paŭtarajecca z hadzinnym krokam, ale ŭvieś čas abnaŭlajecca, dadajecca niejkaja novaja infarmacyja, — adznačyŭ staršynia Biełteleradyjokampanii. — Heta budzie placoŭka dla intervju, videabłohaŭ, aŭtarskich pieradač, rubryk. Vidavočna, što zaraz nie chapaje infarmacyi dla abmierkavańnia, roznych mierkavańniaŭ, prosta televizijnych płoščaŭ. Toje, što my padajem u efiry «Biełaruś 1», — kala dziasiatka vypuskaŭ navin u dzień. Hetaha vidavočna niedastatkova. Našmat bolš infarmacyi vakoł nas — i ŭ krainie, i ŭ śviecie. I nam by chaciełasia jaje danieści da hledačoŭ».
