kremlin.ru
Uładzimir Pucin nie prapanoŭvaŭ biełaruskamu kalehu Alaksandru Łukašenku abjadnać uznačalenyja imi dziaržavy, zajaviŭ RIA Naviny pres-sakratar rasijskaha lidara Dźmitryj Piaskoŭ.
«Heta nie tak, jany kazali ab pahłybleńni sajuznaj intehracyi», — skazaŭ aficyjny pradstaŭnik Kramla.
Pra toje, što rasijski prezident nibyta prapanoŭvaŭ Łukašenku abjadnać Rasiju i Biełaruś, kab stvaryć zvyšdziaržavu, 12 lutaha paviedamiła ahienctva Bloomberg sa spasyłkaj na dźvie krynicy ŭ Kramli.
Hety płan abmiarkoŭvaŭsia prezidentami jašče ŭ śniežni minułaha hoda, ale damovicca nie ŭdałosia i na asabistaj sustreču 7 lutaha ŭ Sočy z-za kateharyčnaj admovy Łukašenki. Pa słovach surazmoŭcaŭ ahienctva, dziakujučy takomu scenaru Pucin moh by zastacca va ŭładzie i paśla zakančeńnia prezidenckich paŭnamoctvaŭ jak lidar novaj Sajuznaj dziaržavy.
