Biełaruskaja sacyjał-demakratyčnaja partyja, Ruch «Za Svabodu» i partyja «Zialonyja» padali sumiesnuju zajaŭku na śviatkavańnie hadaviny abviaščeńnia BNR.
Jak raskazaŭ «Našaj Nivie» lidar sacyjał-demakrataŭ Ihar Barysaŭ, palityki raźličvajuć pravieści śviatočny mitynh-kancert na 10 tysiač słuchačoŭ u niadzielu, 22 sakavika.
Miesca, na jakoje padadzienaja zajaŭka, nazyvać pakul nielha — letaś arhanizataram admovili mienavita z hetaj pryčyny.
Barysaŭ tłumačyć, što dla praviadzieńnia śviatkavańnia vybrali modnaje tusovačnaje miesca Minska, dzie raniej prachodzili mnohija kancerty.
BNR-100 u centry Minska. Fota Siarhieja Hudzilina
Raniej apazicyjaniery ŭžo prasili dla śviatkavańnia BNR-102 adnu z troch placovak u centry Minska — na płoščy Svabody, kala Opiernaha teatra i kala Pałacu sportu, — adnak im admovili.
Tym časam praciahvajecca zbor hrošaj na praviadzieńnie BNR-102. Praŭda, pakul sabrali tolki 1545 rubloŭ.
