Kiraŭnik Suśvietnaj arhanizacyi achovy zdaroŭja (SAAZ) Tedras Adchanom Hiebrejiesus raspavioŭ, što suśvietnyja zapasy srodkaŭ indyvidualnaj abarony mocna źmienšylisia. Situacyja budzie zachoŭvacca na praciahu bližejšych 4-6 miesiacaŭ. Pra heta skazana ŭ jaho zajavie na sajcie SAAZ.
Fota Nadziei Bužan
Jon adznačyŭ, što popyt na maski i reśpiratary vyras u 100 razoŭ, heta spravakavała pavieličeńnie ich koštu ŭ 20 razoŭ. «Hetaja situacyja paharšajecca šyroka raspaŭsiudžanym, nienaležnym vykarystańniem srodkaŭ abarony pa-za dohladam za pacyjentami», — skazaŭ jon.
Kiraŭnik SAAZ adznačyŭ, što va ŭmovach deficytu hetych srodkaŭ u pieršuju čarhu imi pavinny być zabiaśpiečany rabotniki achovy zdaroŭja, a ŭ druhuju čarhu — chvoryja i tyja, chto ich dahladaje. Jon zaklikaŭ nie nazapašvać srodki indyvidualnaj abarony tam, dzie nizki ŭzrovień infiekcyi.
Pavodle danych na 7 lutaha, kolkaść infikavanych karanavirusam pieravysiła 31 tysiaču, 637 čałaviek zahinuli, a 1764 pacyjenta ŭdałosia vylečyć. Bolšaść infikavanych znachodziacca ŭ Kitai, pieršaja ŭspyška była zafiksavana ŭ kancy śniežnia 2019 hoda ŭ horadzie Uchań. Akramia KNR, 270 vypadkaŭ zachvorvańnia zafiksavanyja ŭ 24 krainach. Siarod ich adzin śmiarotny vypadak.
