Prezident Ukrainy Uładzimir Zialenski raskazaŭ, što zapisy razmovaŭ premjer-ministra krainy Alaksieja Hančaruka byli zahružanyja ŭ internet z techniki ŭ redakcyi telekanała «1+1», jaki naležyć aliharchu Iharu Kałamojskamu. Pra heta Zialenski zajaviŭ padčas naviedvańnia šachty ŭ Lvoŭskaj vobłaści.
«Na žal, u «Hrošaj» [redakcyja prahramy «Hroši» na «1+1»] pieratrus z-za taho, što, nakolki mnie viadoma, mienavita z toj techniki hetaja infarmacyja, hetyja zapisy byli zahružanyja ŭ internet. Šukajuć, chto pisaŭ, chto zamoviŭ i chto heta ŭ internet vykinuŭ. Ja tak razumieju, što znajšli, chto heta ŭ internet vykinuŭ», — skazaŭ Zialenski.
Pa słovach prezidenta Ukrainy, jamu vielmi škada, što ŭ žurnalistaŭ pieratrusy, ale jon nie moža ŭmiešvacca ŭ rasśledavańnie.
Raniej, 15 studzienia, u sietcy apublikavali aŭdyjozapisy, na jakich nibyta ŭkrainski premjer Hančaruk pryznajecca, što «poŭny prafan u ekanomicy». Toj samy hołas kaža, što ŭ Zialenskaha «prymityŭnaje razumieńnie ekanamičnych pracesaŭ» i jamu treba tłumačyć ich.
