Ministerstva handlu ZŠA pačało praceduru pierahladu statusu biełaruskaj ekanomiki, pa vynikach jakoj moža pieravieści jaho ŭ razrad rynačnaj, paviedamlaje ministerstva ekanomiki Biełarusi.
Na praciahu miesiaca zacikaŭlenyja baki pradstaviać svaje kamientary ŭ dačynieńni da Biełarusi pa takich śfierach, jak valutnyja apieracyi, inviestycyjny režym, pracoŭnyja adnosiny, dziaržaŭnaja ŭłasnaść, prahres u pieramovach pa dałučeńni da SHA i inšych.
Paśla razhladu ŭsich kamientaroŭ bakoŭ ministerstva handlu ZŠA acenić metazhodnaść praviadzieńnia publičnych słuchańniaŭ pa pytańni pieravodu Biełarusi ŭ katehoryju krain z rynkavaj ekanomikaj. Kančatkovyja vyniki pa hetym pytańni mohuć być apublikavanyja ŭ listapadzie 2020 hoda.
Prysvajeńnie Biełarusi statusu krainy z rynkavaj ekanomikaj dazvolić likvidavać dyskryminacyjnyja mietady raźlikaŭ pamieraŭ stavak achoŭnych pošlin, paźbiehnuć ich nieabhruntavanaha zavyšeńnia ŭ adnosinach da biełaruskaj pradukcyi ŭ ZŠA i budzie sadziejničać naroščvańniu biełaruskaha ekspartu ŭ ZŠA, ličać u biełaruskim ministerstvie.
