Urad pavinien mieć płany reahavańnia na luby mahčymy vyklik. Takoje patrabavańnie Alaksandr Łukašenka ahučyŭ siońnia na naradzie ab zabieśpiačeńni efiektyŭnaj raboty paliŭna-enierhietyčnaha kompleksu krainy, piša BiełTA.
Kiraŭnik dziaržavy adznačyŭ, što handlovyja kanflikty pamiž dziaržavami-lidarami, krainavy pratekcyjanizm i navat novy azijacki virus upłyvajuć na suśvietnuju ekanomiku, a značyć, Biełaruś nie moža ihnaravać heta.
«Tamu pierš za ŭsio ekanamičnamu błoku ŭrada i ŭradu ŭ cełym nieabchodna mieć płany reahavańnia na luby mahčymy vyklik, a nie zakryvać ambrazuru ciełami, kali ŭžo pačaŭsia boj. Hałoŭnaje — zachavać mir i spakoj u krainie, ustojlivaść ekanomiki i ŭpeŭnienaść hramadzian u zaŭtrašnim dni», — padkreśliŭ Alaksandr Łukašenka.
