Litoŭskija ekśpierty admovili ŭ pierapachavańni častki pareštkaŭ paŭstancaŭ 1863 hoda ŭ Minsku, pakolki takaja pracedura praduhledžanaja tolki dla pareštkaŭ śviatych. Pra heta biełaruskim žurnalistam raspavioŭ kiraŭnik MZS Litvy Linas Linkiavičus, piša Tut.by.
U vieraśni biełaruskaja hramadskaść paprasiła pierapachavać pareštki Kastusia Kalinoŭskaha ŭ Biełarusi.
Kiraŭnik MZS Litvy raskazaŭ, što aficyjnaha zvarotu ab tym, kab pierapachavać usie pareštki, nie było.
— Nakolki ja viedaju, havorka išła pra pierapachavańnie častki pareštkaŭ. Ale ekśpierty skazali, što tak byvaje tolki sa śviatymi. Ja nie ekśpiert, nie viedaju, ale ŭ finale znajšli ahulnaje razumieńnie, što treba pierapachavać tak, jak atrymałasia ciapier. Nie viedaju, nakolki možna skazać pra takoje mierapryjemstva, što pachavańnie ŭdałosia, ale heta było mierapryjemstva ab viartańni da zhurtavanaści, da ahulnych kaštoŭnaściej. Mierapryjemstva ŭspryniali vielmi pazityŭna, — raskazaŭ kiraŭnik MZS Litvy.
