U piatnicu nočču supracoŭniki DAI zatrymali pjanaha kiroŭcu aŭtamabila «Sitrajen», jaki paškodziŭ 6 pryparkavanych mašyn i sprabavaŭ źjechać, paviedamlaje DAI.
Kala 11 hadziny nočy ŭ dziažurnuju čaść DAI pastupili 4 paviedamleńni pra toje, što nieviadomy kiroŭca mikraaŭtobusa paškodziŭ aŭtamabili i źjechaŭ u nieviadomym kirunku. Inśpiektary apieratyŭna prybyli ŭ rajon zdareńnia i znajšli 6 paškodžanych aŭto.
A voś sam aŭtamabil «Sitrajen» z kiroŭcam byŭ znojdzieny niedaloka ad miesca DTZ u poli, jaho zatrymali vidavočcy. Kiroŭcam akazaŭsia 37-hadovy mužčyna na słužbovym aŭto.
Miedycynski ahlad pakazaŭ kolkaść ałkaholu ŭ jaho arhaniźmie — 4 pramile.
U pratakole apytańnia mužčyna skazaŭ, što napiaredadni znachodziŭsia doma i vypiŭ 0,7 litra harełki. Dalej vyjšaŭ z kvatery i vyrašyŭ pierahnać słužbovy aŭtamabil. Ale biez nastupstvaŭ zrabić hetaha nie ŭdałosia.
Ciapier ža kiroŭcu pahražaje vialiki štraf, pazbaŭleńnie prava kiravańnia i, chutčej za ŭsio, ramont słužbovaha aŭtamabila.
