Siońnia ŭ Minsku na siomym paviersie hatela DoubleTree by Hilton prajšoŭ niezvyčajny dypłamatyčny pryjom.
Niezvyčajny — tamu što najčaściej pryjomy daje adna kraina, a zaprašeńni na siońniašniuju imprezu minski bamond atrymaŭ ad imieni adrazu dvuch dypłamataŭ: pasła Polščy Artura Michalskaha i časovaha pavieranaha ŭ spravach ZŠA ŭ Biełarusi Dženifer Mur.
Bolš za toje, na pryjomie prysutničali adrazu dva ministry zamiežnych spraŭ: biełaruski Uładzimir Makiej i litoŭski Linas Linkiavičus.
Abjadnaŭ čatyry krainy ŭradženiec Biełarusi, patryjot Rečy Paspalitaj i hieroj vajny za niezaležnaść ZŠA Tadevuš Banavientura Kaściuška.
Choć data nie kruhłaja — 274-ja hadavina z dnia naradžeńnia, ale atmaśfiera na pryjomie była asablivaja, i heta źviazana z tymi pieramienami, jakija adčuvajucca ŭ adnosinach Biełarusi i krain Zachadu.
Prapanujem vam trochi fotaŭ z pryjomu. Zdymać karespandentka «Našaj Nivy» mahła tolki da aficyjnych pramoŭ, dalejšaja častka mierapryjemstva była nie dla kamier.
Hanna Kanapackaja i Alena Anisim
Juraś Hubarevič
Časovy pavierany ŭ spravach ZŠA ŭ Biełarusi Dženifer Mur, pasoł Polščy ŭ Biełarusi Artur Michalski, ministry zamiežnych spraŭ Litvy i Biełarusi Linas Linkiavičus i Uładzimir Makiej.
Stanisłaŭ Šuškievič.
Ryhor Kastusioŭ i Alaksandr Kłaskoŭski.
