Fota Volhi Šukajła
Siońnia ŭ Hrodnie idzie mocny śnieh, tamu čartarny rejs z turystami nie zmoh pryziamlicca ŭ aeraporcie svoječasova. Boinh-737 palacieŭ u Minsk, ale praź niekatory čas znoŭ viarnuŭsia ŭ Hrodna, piša Tut.by.
— Samalot u suviazi z umovami nadvorja nie zmoh pryziamlicca ŭ Hrodnie, — kažuć u avijakampanii «Biełavija».
Akazałasia, siońnia ŭ Hrodna pryjšła sapraŭdnaja zima, u horadzie — mocny śnieh. Nadvorje i stała pryčynaj taho, što Boinh-737, jaki ruchaŭsia maršrutam Churhada — Hrodna, nie zmoh pryziamlicca pavodle raskładu ŭ 13.00. Samalotu daviałosia dvojčy ablacieć Hrodzienskaje vadaschovišča i syści na zapasny aeradrom u Minsk.
— Samalot pryziamliŭsia tolki što, u 15.35, jon prylacieŭ ź Minska, — udakładnili ŭ Hrodzienskim aeraporcie.
