Uviečary 24 studzienia ŭ milicyju pryjšoŭ žychar Marjinaj Horki. Mužčyna raspavioŭ, što źnik jaho 31-hadovy syn.
Pa horadzie adrazu ž pačali raspaŭsiudžvacca raznastajnyja čutki. Telehram-kanał «Niechta» ŭvohule paviedamiŭ, što adšukali ruku zabitaha, a jaho cieła zabojca zabietaniravaŭ va ŭłasnym sklepie. Pryčynaj zabojstva nibyta stała reŭnaść.
29 studzienia Śledčy kamitet raspavioŭ, što cieła mužčyny jašče nie znajšli. Ale asnoŭnaja viersija — zabojstva. Uźnikła svarka, maładoha čałavieka mocna źbili, ad traŭmaŭ jon pamior. Pryčyna svarki pakul nie ŭdakładniajecca. Ale trup nie zabietaniravali ŭ sklepie. Pa dadzienych SK, cieła zabitaha vykinuli ŭ raku, ciapier jaho šukajuć.
Fota — Śledčy kamitet
Zaviedzienaja kryminalnaja sprava, taksama zatrymali traich padazravanych: 36-hadovuju žančynu, jaje 33-hadovaha sužyciela i ich 23-hadovaha znajomaha. Raśledavańnie praciahvajecca.
