U aŭtorak, 28 studzienia, prezident ZŠA Donald Tramp pradstaviŭ płan prymireńnia Izraila z Paleścinaj, raniej anansavany jak «ździełka stahodździa».
Tramp prapanavaŭ stvaryć Paleścinskuju dziaržavu sa stalicaj va Uschodnim Ijerusalimie.
Pa słovach kiraŭnika Biełaha doma, jaho płan dasiahnieńnia miru na Blizkim Uschodzie «moža być apošniaj mahčymaściu» dla paleścincaŭ. Jon padkreśliŭ, što paleścincy zasłuhoŭvajuć «značna lepšaha žyćcia».
Pry hetym Ijerusalim zastaniecca izrailskaj «niepadzielnaj stalicaj», dadaŭ Tramp.
Tramp nazvaŭ svoj 80-staronkavy płan najbolš padrabiaznym z usich kali-niebudź prapanavanych dla ŭrehulavańnia kanfliktu pamiž Izrailem i Paleścinaj.
Pa słovach prezidenta ZŠA, realizacyja jaho prapanoŭ pryviadzie da pryciahnieńnia inviestycyj u paleścinskuju ekanomiku na sumu 50 miljardaŭ dalaraŭ.
Raniej paleścincy adchilili mirny płan Trampa, nazvaŭšy jaho praduziatym.
Płan pa ŭrehulavańni blizkaŭschodniaha kanfliktu raspracavaŭ ziać i daradca Trampa Džerad Kušnier. Jašče da jaho abviaščeńnia šerah suśvietnych ŚMI pradkazvali, što jon budzie absalutna praizrailskim, ź minimalnym ulikam intaresaŭ paleścinskaha boku.
