Dapracoŭka novaha zakonaprajekta «Ab abaronie piersanalnych danych» abmiarkoŭvałasia 28 studzienia ŭ Pałacie pradstaŭnikoŭ. Deputaty płanujuć razhledzieć hety dakumient u Avalnaj zale na viasieńniaj siesii, paviedamiŭ žurnalistam namieśnik staršyni profilnaj parłamienckaj kamisii Ihar Martynaŭ, piša BiełTA.
«Hety zakon zakranie absalutna ŭsich hramadzian. Naprykład, my prychodzim u kramu i, nie zadumvajučysia, pakidajem svaje piersanalnyja danyja, atrymlivajučy jakuju-niebudź źnižkavuju kartu. A potym hetaja krama pieradaje piersanalnyja źviestki pra hramadzianina ŭ inšuju handlovuju sietku bieź jaho zhody. Čałavieka mohuć pačać turbavać, telefanavać jamu. Padobnyja dziejańni buduć ličycca pravaparušeńniem, i apieratar, jaki źbiraje infarmacyju, budzie nieści adkaznaść. Čałaviek, padajučy svaje asabistyja danyja dzie-niebudź, pavinien być upeŭnieny, što jany buduć nadziejna abaronienyja i nie buduć nikudy pieradavacca. Pra heta prapisana ŭ zakonaprajekcie», — raspavioŭ deputat.
Pavodle słoŭ parłamientaryja, «novy zakon zakranie ŭsie śfiery dziejnaści, dziaržaŭnyja i niedziaržaŭnyja, — heta praca bankaŭ, miedycynskich ustanoŭ i h.d.».
