23 studzienia ŭ Słaŭharadzie zdaryŭsia pažar u pryvatnym domie, u vyniku jakoha paciarpieła pažyłaja žančyna, paviedamlaje milicyja.
Haspadynia doma viačerała z synami i niaviestkaj. Złoŭžyŭšy ałkaholem, adzin z synoŭ, 27-hadovy mužčyna, pačaŭ svarycca sa svajakami. Jaho vystavili za dźviery.
Skandalistu nie spadabaŭsia taki pavarot, i jon pačaŭ patrabavać jašče ałkaholu i pahražać prodažam sielskahaspadarčaha invientaru, kali jaho patrabavańni nie zadavolać. Kali ŭ jaho adabrali invientar, mužčyna, uziaŭšy ŭ chlavie bienzin, abliŭ im vierandu, a potym padpaliŭ jaje.
Pažar patušyli da pryjezdu ratavalnikaŭ svajaki debašyra. Akramia vierandy paciarpieła jašče i haspadynia doma: kropli haručaj vadkaści patrapili na jaje. Žančynie dapamahli miedyki.
Padazravanaha zatrymali. Na jaho zaviali kryminalnuju spravu.