U Mazyry žančyna ŭčyniła bojku z maładymi ludźmi. U hety čas u jaje z sumački vyciahnuli kašalok, paviedamlaje MUS.
36-hadovaja žycharka Naroŭli pabiłasia z dvuma chłopcami kala kłuba ŭ Mazyry. Jana stała klikać na dapamohu minakoŭ, jaje kryki pačuli patrulnyja milicyjaniery. Pravaachoŭniki zatrymali maładych ludziej, adnak toje, što jany byli paciarpiełymi, a nie zavadatajami bojki, stała zrazumieła tolki ŭ adździele paśla prahladu zapisu kamier nazirańnia.
Akramia hetaha na videa supracoŭniki milicyi zaŭvažyli paru, jakaja nazirała za tym, što adbyvajecca. Padčas bojki adzin čałaviek padyšoŭ da pakinutych rečaŭ i vyciahnuŭ z sumački fihurantki kašalok, a adtul zabraŭ 100 rubloŭ.
Prapažu hrošaj žančyna vyjaviła tolki ŭ Naroŭli. Tady ŭ kradziažy zapadozryli jaje sužyciela. Paźniej vyśvietliłasia, što banknoty skrała 40-hadovaja žycharka Mazyra.
