U vioscy Amielaniec na Bieraściejščynie fizruk abaraniaje ad zakryćcia adzinuju biełaruskamoŭnuju škołu ŭ rajonie, piša Radyjo Svaboda. A kiraŭnik adździełu adukacyi miarkuje, što dzieciam usio adno, na jakoj movie vučycca — rasiejskaj ci biełaruskaj. Pačytajcie, što kaža čynoŭnik ad adukacyi, kali jamu treba zakryć škołu.
Kiraŭnik adździełu adukacyi Kamianieckaha rajonu paźbiahaje sustrečaŭ z žurnalistami. Admoviŭsia jon patłumačyć svaju pazycyju i karespandentu Svabody. Ale miesiac tamu čynoŭnik daŭ vialikaje interviju błohieru Alaksieju Holikavu. Svaboda vybrała adtul niekalki cytat.
Viktar Hrycuk uznačalvaje adździeł adukacyi Kamianieckaha rajvykankamu amal 25 hadoŭ. Da hetaj pasady pracavaŭ nastaŭnikam i dyrektaram u škołach Kamianieckaha rajonu. Hrycuk skončyŭ fizyka-matematyčny fakultet Bieraściejskaha dziaržaŭnaha instytutu imia Puškina. Žonka i dačka — nastaŭnicy.
«Hetyja krykuny i, u narodzie ich nazyvajuć, hubašlopy, jany nikoli nie karystajucca aŭtarytetam. Napačatku jany pieśniu śpiavajuć razam z žycharami, a potym pilnujuć svaje intaresy, jak i atrymałasia ŭ Amielancy».
«U nas biełaruskich škoł było bolš, ale ŭ suviazi ź mihracyjaj nasielnictva z Ukrainy, z druhich… Vy ž viedajecie. Dla taho, kab škoła była na niejkaj kankretnaj movie, rasiejskaj ci biełaruskaj, pavinna być rašeńnie baćkoŭ albo asobaŭ, jakija ich zamiaščajuć. Tamu ŭsio ŭ adpaviednaści z zakonam».
«Vioska (paśla zakryćcia škoły. — RS) nie pamre da kanca. Viadoma, jana nia budzie ŭ takim roskvicie, z takoj kolkaściu ludziej… Zaŭsiody znojducca takija ludzi, jakija pryjeduć u viosku. Viadoma, dobra, kali pad rukoj jość usio. Ale, vy viedajecie, pracesy ŭrbanizacyi pieramahčy budzie vielmi ciažka».
«A toje, što dzieci tam (u inšaj škole. — RS) nia zmohuć vučycca… «na ruskaj movie»… Dy dzieciam daloka ŭsio roŭna… A ŭ kramie biełaruskaja mova, a na vulicy biełaruskaja mova? Dy sami spadary, jakija prysutničali na hetym schodzie, vyjšli na prystupki i… Ja navat abiarnuŭsia, ja byŭ u šoku. Pamiž saboj na rasiejskaj movie».
«Jano krychu štučnaje (pra vykarystańnie biełaruskaj movy. — RS). Nastaŭnik idzie na ŭrok, pamiatajučy pra toje, što jamu pradpisana vieści na biełaruskaj movie, i jon starajecca vieści na biełaruskaj movie. Tak, jość nastaŭniki, jakija starajucca vieści na biełaruskaj movie. Ale kali vychodziać u kalidor, adrazu pačynajuć razmaŭlać na rasiejskaj movie. Užo dvudušnaść vychoŭvajuć. Choć jany siabie bjuć u hałavu, što jany za biełaruskamoŭnaść».
«Niama, na žal, razmovaŭ u Kamianieckim rajonie na biełaruskaj movie».
«Mianie jość kamu lubić».
