Rasijskija śledčyja raskryli zabojstva, ździejśnienaje dziesiać hadoŭ tamu, kali ŭ pasiołku Biarozaŭka Krasnajarskaha kraja miascovy žychar zhvałciŭ i zaliŭ bietonam rodnuju 14-hadovuju siastru. Pra heta paviedamlaje «Źviazda» sa spasyłkaj na ŭpraŭleńnie Śledčaha kamiteta Rasii pa rehijonie.
Pa viersii śledstva, letam 2010 hoda 14-hadovaja školnica raśpivała śpirtnyja napoi pobač z domam svajho 25-hadovaha brata. Potym jana zajšła ŭ jaho dom, dzie jon jaje zhvałciŭ. Paśla hetaha mužčyna zakruciŭ siastru skotčam i zakleiŭ joj orhany dychańnia, što stała pryčynaj śmierci. Cieła zahinułaj brat schavaŭ u vykapanaj jamie pad padłohaj i zaliŭ bietonam.
0
0
0
0
0
0
