Kiraŭnik Słužby biaśpieki Ukrainy Ivan Bakanaŭ zajaviŭ, što viedamstva razhladaje dźvie pryjarytetnyja viersii pryčyn, jakija pryviali da avijakatastrofy samalota rejsa PS752 u Iranie: pieršaja — papadańnie rakiety, druhaja — terakt.
«Sapraŭdy, viersija ab papadańni rakiety zienitna-rakietnaha kompleksu «Tor» pryciahvaje siońnia najbolšuju ŭvahu hramadstva. Adnak dastatkova adkryć instrukcyju pa ekspłuatacyi ZRK, kab uźnikła šerah pytańniaŭ, jakija patrabujuć dadatkovych adkazaŭ. U pryvatnaści, havorka idzie pra dalokaść palotu rakiety, niuansy pa kiravańni kompleksam i inšaje. Usie pytańni ciapier prapracoŭvajucca», — skazaŭ jon.
Pa słovach Bakanova, viersiju teraktu SBU staranna vyvučaje i analizuje.
«Bo tema zanadta važnaja, kab ciapier rabić niejkija paśpiešnyja vysnovy. Mahu zapeŭnić, što my abaviazkova paviedamim hramadstvu ŭsiu abjektyŭnuju, pravieranuju infarmacyju», — skazaŭ jon.
