Šaścirazovy čempijon śvietu «Formuły-1» brytaniec Ljuis Chemiłtan padtrymaŭ baraćbu ź lasnymi pažarami ŭ Aŭstralii. Pra heta jon paviedamiŭ u svaim instahramie.
Pa słovach spartsmiena, jon pieravioŭ roznym arhanizacyjam, jakija zmahajucca z aŭstralijskimi pažarami, $ 500 tyc. U ich liku arhanizacyi WIRES (Wildlife Rescue — abarona dzikaj pryrody), aŭstralijskamu adździaleńniu Suśvietnaha fondu dzikaj pryrody i pažarnyja słužby.
«U mianie razryvajecca serca ad taho, što adbyvajecca ŭ Aŭstralii. Lasnyja pažary nanieśli hihanckuju škodu ludziam i žyviołam. Kali ŭ vas jość mahčymaść, zaklikaju vas uziać moj prykład i achviaravać svaje srodki na baraćbu sa stychijaj», — napisaŭ Chemiłtan.
0
0
0
0
0
0
