Pradstaŭnik Śledčaha kamiteta Siarhiej Kabakovič zajaviŭ «Našaj Nivie», što ŭ dačynieńni da žurnalista Uładzimira Čudziancova zaviedziena novaja kryminalnaja sprava.
Detalaŭ u viedamstvie nie kažuć i prosiać pačakać aficyjnaha paviedamleńnia, jakoje jany ŭ hety momant rychtujuć.
Nakolki viadoma «Našaj Nivie», havorka idzie pra hvałtoŭnyja dziejańni seksualnaha charaktara.
Kolkaść epizodaŭ i paciarpiełych udakładniajecca, ale viadoma, što prynamsi adzin z paciarpiełych — hieroj publikacyi «Našaj Nivy» 30-hadovy viciebčuk Maksim (proźvišča nie nazyvajecca pa žadańni achviary).
Čytajcie: «Jamu padabałasia słova «bojłaver». Hłuchi padletak, adna z achviar žurnalista Č., raskazaŭ svaju historyju
Žurnalist Uładzimir Čudziancoŭ byŭ zatrymany 21 listapada na punkcie propusku Brest — Ciarespal, pry sabie ŭ jaho znajšli narkotyki, potym znajšli i doma.
Sam jon admaŭlaje, što narkotyki naležać jamu, z taho času jon pad vartaj. Za «kantrabandu» narkatyčnych rečyvaŭ Uładzimiru Čudziancovu pahražaje da siami hadoŭ pazbaŭleńnia voli.
