U Minsku praciahvajucca sudy nad udzielnikami antyintehracyjnych akcyj pratestu, jakija prachodzili ŭ stalicy ŭ śniežni. Adnak, jak vyśvietliłasia, sudziać nie tolki praciŭnikaŭ intehracyi. 9 studzienia sud Centralnaha rajona razhladaŭ spravu 29-hadovaha Jahora Krasoty.
7 śniežnia padčas šeścia pa praśpiekcie Niezaležnaści ŭ natoŭpie źjaviŭsia pjany pravakatar, jaki staŭ vykrykvać «Rasija, napierad!». Chłopiec pavodziŭ siabie tak nibyta byŭ pjany. U vyniku demanstranty zdali jaho milicyi.
Pravakataram akazaŭsia Jahor Krasota, kolišni vypusknik histfaku BDU. «Budučy ŭžo pry naradžeńni «da mozha kaściej» ruskim čałaviekam, ja naradziŭsia i vyras u Biełarusi, jakaja pa ironii losu da majho śviadomaha ŭzrostu źjaŭlajecca tak zvanaj niezaležnaj dziaržavaj», — pisaŭ Krasota.
Akazałasia, što na chłopca ŭ toj dzień skłali pratakoł za raśpićcio ałkaholnych napojaŭ ci spažyvańnie narkatyčnych srodkaŭ u hramadskim miescy.
U vyniku prychilnik «ruskaha śvietu» byŭ prysudžany da 15 bazavych vieličyń štrafu (405 rubloŭ).
Pra heta «Našaj Nivie» paviedamili u sudzie Centralnaha rajona Minska.
