Adbyłasia telefonnaja razmova ministra zamiežnych spraŭ Biełarusi Uładzimira Makieja ź Dziaržaŭnym sakratarom ZŠA Majkłam Pampiea, paviedamili ŭ pres-słužbie MZS Biełarusi.
U chodzie hutarki kiraŭnik zamiežnapalityčnaha viedamstva ZŠA rastłumačyŭ pryčyny pieranosu terminu svajho vizitu ŭ Biełaruś.
Ź biełaruskaha boku paćvierdžana hatoŭnaść pryniać Dziaržaŭnaha sakratara ZŠA ź vizitam u ŭzajemaprymalnyja daty, adznačana važnaść adkrytaha abmienu dumkami pa pytańniach raźvićcia dvuchbakovych adnosinaŭ, situacyi ŭ rehijonie i śviecie ŭ cełym.
Padčas abmierkavańnia situacyi ŭ blizkaŭschodnim rehijonie Uładzimir Makiej vykazaŭ asudžeńnie lubych dziejańniaŭ, jakija parušajuć praduhledžanyja Vienskaj kanviencyjaj ab dypłamatyčnych znosinach pryvilei i imunitety dypłamatyčnych pradstaŭnictvaŭ.
Jon zajaviŭ, što biełaruski bok zaklikaje ŭsie baki prajaŭlać strymanaść i imknucca da deeskałacyi napružanaści, a taksama padkreśliŭ nieabchodnaść zachavańnia pryncypaŭ mižnarodnaha prava ŭ metach ŭstojlivaha zabieśpiačeńnia mižnarodnaj biaśpieki ŭ hłabalnym i rehijanalnym vymiareńniach.
