Na evakuacyju dziasiatkaŭ tysiač čałaviek u aŭstralijskich štatach Novy Paŭdniovy Uels i Viktoryja adviedziena mienš za 48 hadzin. Ahoń źniščyŭ bolš za tysiaču budynkaŭ. Da baraćby sa stychijaj pryciahnutyja vajskovaja avijacyja i fłot, paviedamlaje DW.
Dziasiatkam tysiač čałaviek u aŭstralijskich štatach Novy Paŭdniovy Uels i Viktoryja nieabchodna pakinuć svaje damy na praciahu 48 hadzin z-za mocnych lasnych pažaraŭ. Słužba Novaha Paŭdniovaha Uelsa pa baraćbie z pažarami ŭ čaćvier, 2 studzienia, vyznačyła terytoryju, jakuju nieabchodna pakinuć. Ministr transpartu Novaha Paŭdniovaha Uelsa Endru Kanstans papiaredziŭ pra mahčymaje paharšeńnie situacyi.
Za dzień da hetaha ŭ rehijon nakiravali 5 viertalotaŭ VPS krainy i 2 sudny Karaleŭskaha aŭstralijskaha vajenna-marskoha fłotu. Jany dastaviać vadu i paliva, akažuć padtrymku ŭ baraćbie z ahniom i dapamohuć u evakuacyi.
Lasnyja pažary bušujuć u Aŭstralii ź vieraśnia. Połymiem achoplena zvyš za 5,5 młn hiektaraŭ. Heta bolš za płošču Danii ci Niderłandaŭ. Raspaŭsiudžvańniu ahniu spryjajuć vysokaja tempieratura i mocny viecier.