Rabočy vizit dziaržaŭnaha sakratara ZŠA Majkła Pampiea ŭ Biełaruś płanujecca 4 studzienia. Pra heta BIEŁTA paviedamiŭ načalnik upraŭleńnia infarmacyi i ličbavaj dypłamatyi — pres-sakratar MZS Biełarusi Anatol Hłaz.
«Tak, my viadziom padrychtoŭku takoha mierapryjemstva ŭ kantakcie z amierykanskim bokam. Pracoŭny vizit dziaržaŭnaha sakratara ZŠA Majkła Pampiea ŭ Biełaruś płanujecca 4 studzienia 2020 hoda», — skazaŭ Anatol Hłaz.
U MZS ŭdakładnili, što prahramaj vizitu praduhledžany pieramovy Majkła Pampiea na najvyšejšym uzroŭni, sustreča ź ministram zamiežnych spraŭ Uładzimiram Makiejem i inšyja mierapryjemstvy. «Čakajecca, što budzie abmierkavany ŭvieś śpiektr pytańniaŭ biełaruska-amierykanskich adnosin i tematyka rehijanalnaj biaśpieki», — dadaŭ pres-sakratar.
Zapłanavana taksama sustreča z Alaksandram Łukašenkam.
