Z ranicy 30 śniežnia ŭ sudach Minska pačalisia pracesy nad udzielnikami mirnych akcyj pratestu suprać intehracyi z Rasijaj, jakija adbylisia 7 i 8 śniežnia, paviedamlaje spring96.org
U sudzie Leninskaha rajona mieŭsia abycca razhlad spravy piśmieńnika Uładzimira Arłova. Jaho administracyjnuju spravu pa č. 1 art. 23.34 KaAP razhladaje sudździa Maryna Zapaśnik.
U zale sabrałasia šmat siabraŭ i paplečnikaŭ Uładzimira Arłova, adnak sam historyk znachodzicca pa-za miežami krainy. Jon chadajničaŭ ab razhladzie spravy ŭ jaho adsutnaść.
Śviedki taksama ŭ praces nie źjavilisia. Sud pryniaŭ rašeńnie adkłaści razhlad spravy na 12 hadzin 10 studzienia.
Na 9 i 10 studzienia adkładzieny pracesy nad Natallaj Ładućka, Barysam Dubroŭskim i Źmitrom Kazłovym (błohier Šery kot). Taksama 10 studzienia praciahniecca adzin z sudoŭ u dačynieńni da movaznaŭcy Piatra Sadoŭskaha.
