Pskoŭskaja stužka navin
Avaryja adbyłasia na 269-m km trasy R-23 Sankt-Pieciarburh — Nieviel — miaža Biełarusi. Kiroŭca aŭtobusa «Nieapłan», što jechaŭ pa maršrucie Minsk — Sankt-Pieciarburh, źjechaŭ z darohi naprava pa chodzie ruchu, i aŭtobus pierakuliŭsia, piša Tut.by.
Usiaho ŭ aŭtobusie było 50 čałaviek, u tym liku čaćviora dziaciej i dva kiroŭcy, usie jany hramadzianie Biełarusi.
Jak paviedamiła pres-sakratar Ministerstva achovy zdaroŭja Biełarusi Julija Baradun, pa miedycynskuju dapamohu źviarnulisia 24 čałavieki, ź ich 13 adpravili na kansultacyju ŭ Pskoŭskuju abłasnuju balnicu. Šeść čałaviek z 13 paciarpiełych atrymali dapamohu ambułatorna, siemiarych špitalizavali.
Adzin čałaviek znachodzicca ŭ reanimacyi, jaho stan stabilna ciažki, dva čałavieki ŭ adździaleńni skivična-tvarnaj chirurhii, dva — u adździaleńni tarakalnaj chirurhii, dvoje — u traŭmatałohii. Akramia hetaha, dvoje dziaciej špitalizavany z čerapna-mazhavymi traŭmami.
Situacyja znachodzicca pad kantrolem pasolstva Biełarusi ŭ Rasii ŭ Sankt-Pieciarburhu. Biełaruskija daktary hatovyja akazać usiu nieabchodnuju dapamohu rasijskim kaleham.
